सूर्यदत्तमध्ये ‘कॉटन कनेक्ट 2025’ द्वारे ‘Make in India’ आणि स्थानिक उद्योगांना चालना

भारतीय वस्त्रसंस्कृती, शाश्वत फॅशन आणि नवकल्पनांचा संगम: IIE सेलचा शुभारंभ आणि उद्योग जगताशी नवे दुवे

महाराष्ट्र जैन वार्ता

पुणे : सूर्यदत्त इन्स्टिट्यूट ऑफ फॅशन टेक्नॉलॉजीतर्फे ‘कॉटन कनेक्ट 2025 – फ्रॉम ट्रेडिशन टू इनोव्हेशन’ हा उपक्रम उत्साहात पार पडला. ‘Make in India’ ला प्रोत्साहन देत कापसाचा वारसा, फॅशन क्षेत्रातील नवकल्पना आणि स्थानिक उद्योगांची व्याप्ती विद्यार्थ्यांना प्रत्यक्ष अनुभवता आली.

सूर्यदत्त एज्युकेशन फाउंडेशनच्या सूर्यदत्त इन्स्टिट्यूट ऑफ फॅशन टेक्नॉलॉजी (SIFT) तर्फे ‘कॉटन कनेक्ट 2025’ हा उपक्रम बावधन येथील बन्सीरत्न सभागृहात साजरा करण्यात आला. पंतप्रधान नरेंद्र मोदी यांच्या ‘Make in India’ संकल्पनेशी जोडत या उपक्रमाला आधुनिक दृष्टीकोन देण्यात आला.

या उपक्रमात विद्यार्थ्यांनी कापसाचा प्रवास “Journey of Cotton – The Fabric of Our Lives” या आकर्षक ए.व्ही.द्वारे सादर केला. शेतातून फॅशनपर्यंतचा प्रवास, भारतीय वस्त्रपरंपरा आणि शाश्वत फॅशनचे महत्त्व अनोख्या स्वरूपात उलगडले.

कार्यक्रमाला मिस अर्थ इंडिया 2025 कोमल चौधरी, कलाकार फॅक्टरीचे पंकज सातव व रोहित मगदुम हे मान्यवर उपस्थित होते. मिस कोमल चौधरी यांनी “Sustainability is not a choice, it’s a responsibility” या विचारातून पर्यावरणपूरक फॅशनचे महत्त्व अधोरेखित केले.

या कार्यक्रमाचा प्रमुख आकर्षण ठरला IIE (Innovation, Incubation & Entrepreneurship) सेलचा शुभारंभ, जो संस्थेचे संस्थापक अध्यक्ष प्रा. डॉ. संजय बी. चोरडिया यांच्या हस्ते संपन्न झाला. तसेच SIFT आणि ‘Void Star Experiences’ यांच्यातील सामंजस्य करारामुळे फॅशन, तंत्रज्ञान आणि उद्योगजगताचा नवा अध्याय सुरू झाला.

या उपक्रमात कॉटन आधारित उत्पादनांचे प्रदर्शन, कॉटन अटायर रॅम्पवॉक, ‘इको प्लेज’ आणि अनेक इनोव्हेटिव्ह स्पर्धांचे आयोजन करण्यात आले. उपाध्यक्ष सुषमा चोरडिया यांनी प्रत्येक स्टॉलला भेट देत विद्यार्थ्यांच्या कल्पकतेचे कौतुक केले. सहाय्यक उपाध्यक्ष स्नेहल नवलखा यांनी IIE सेलमुळे विद्यार्थ्यांत उद्योजकतेची नवी ऊर्जा निर्माण झाल्याचे सांगितले.

संपूर्ण कार्यक्रमाचे समन्वयन पूजा विश्वकर्मा, मोनिका कर्वे, शिखा शारदा, अखिला मुरमट्टी, खुशबू गजबी आणि छाया माने यांनी केले. कार्यक्रमाचा समारोप मान्यवर, प्राध्यापक आणि विद्यार्थ्यांच्या योगदानाबद्दल कृतज्ञता व्यक्त करून झाला.

‘कॉटन कनेक्ट 2025’ हा उपक्रम विद्यार्थ्यांसाठी फॅशनकडे नव्या विचारांनी, जबाबदारीने आणि नवकल्पना स्वीकारत पुढे जाण्याचा प्रेरणादायी टप्पा ठरला.

Cotton Connect 2025 विद्यार्थ्यांना ‘Make in India’ च्या तत्त्वांशी जोडत जागतिक फॅशन बाजारपेठेत भारतीय वस्त्रपरंपरेचे स्थान मजबूत करण्याची प्रेरणा देतो. – प्रा. डॉ. संजय चोरडिया, संस्थापक अध्यक्ष, सूर्यदत्त एज्युकेशन फाउंडेशन